նախընտրելի դարձնելՀանդուրասի իշխանությունները առնվազն յոթ երեխաների մահվան դեպք են հետաքննում: Նրանց, ամենայն հավանականությամբ, սպանել են հանցագործ խմբավորումների համար աշխատել չցանկանալու համար:
Հինգշաբթի օրը Սան-Պեդրո-Սուլա արդյունաբերական քաղաքի ոստիկանները յոթնամյա տղայի մարմին էին հայտնաբերել. Երեխային մահից առաջ ակնհայտորեն տանջել էին: Նրա 13-ամյա եղբոր մարմինը դեռեւս մի քանի օր առաջ էր հայտնաբերվել, հաղորդում է BBC-ի ռուսական ծառայությունը:
Հոնդուրասի գլխավոր դատախազ Օսկար Չինսիլլան գործն իր անձնական վերահսկողության տակ է առել:
Հոնդուրասը սպանությունների թվով աշխարհում ամենաբարձր ցուցանիշներից մեկը ունի: Իշխանությունների տվյալներով, այդ երկրում օրական միջինը 15 մարդու կյանք են խլում:
