նախընտրելի դարձնելՄասաչուսեթս նահանգի Հեյվերհիլի բնակչուհի 23-ամյա Քրիստինա Սիմոսը գիտի, որ մինչեւ կյանքի վերջ գամված է մնալու անկողնուն: Սակայն դա կարեւոր չէ, քանի որ այդ գնով կարողացել է մահից փրկել իր նորածին որդուն:
Կինն ու 18 ամսական երեխան տանն են եղել, երբ տանը հրդեհ է բռնկվել: Փրկվել կարելի էր միայն երկրորդ հարկի պատշգամբից ցատկելով:
«Ես գրկեցի որդուս, սեղմեցի կրծքիս, համբուրեցի եւ ասացի նրան, թե որքան շատ եմ սիրում: Այնուհետեւ ցատկեցի պատշգամբից», - CBS Boston-ին պատմել է Սիմոսը:
«Ես ոչ մի բանի մասին չէի մտածում: Միայն` փրկեի որդուս: Նա ինձ համար ավելին է, քան սեփական կյանքս»:
Սայմոսն ստացել է մեջքի մի քանի լուրջ վնասվածքներ, եւ բժիշկները կասկածում են, թե նա երբեւէ կարող է ոտքի կանգնել: Իսկ փոքրիկ Քամերոնն իրեն հիանալի է զգում:
«Ես ինձ բնավ հերոս չեմ համարում: Ես պարզապես Քամերոնի մայրն եմ», - ասել է Սիմոսը: Չնայած նրա վիճակը դեռ ծանր է` նա պնդում է, որ որդուն պարզապես գրկելը Մայրերի օրվա լավագույն նվերն է:
Աղջկան եւս 10 օր կպահեն հիվանդանոցում, այնուհետեւ կտեղափոխեն վերականգնողական բաժանմունք:
Քննիչները պարզում են հրդեհի պատճառները:
