Հնդկաստանի վարչապետ Մանմոհան Սինգհը ընդունել է ընդդիմադիր Բհարաթիա Ջանաթ կուսակցության հաղթանակն ընտրություններում եւ հրաժարական է տվել։

Ավելի վաղ նա հայտարարել էր, որ «փորձել է  անել ամեն հնարավորը Հնդկաստանի մեծ ժողովրդին ծառայելու ընթացքում։

Հնդկաստանի իշխող կուսակցությունը ընտրություններում պարտվել է՝ հաղթելով  543 շրջաններից միայն  59-ում։ Բհարաթիա Ջանաթը, հակառակը, հաղթել է  283 շրջաններում։ Այսկերպ այն  բացարձակ մեծամասնություն է ստացել եւ կարող է ինքնուրույն կառավարություն ձեւավորել, հայտնում է ԻՏԱՌ-ՏԱՍՍ-ը։

Վերջին անգամ մեկ կուսակցությունը մեծամասնություն էր ստացել 1984թ.։ Վարչապետ Ինդիրա Գանդիի սպանությունից 400-ից ավելի տեղ էր ստացել Հնդկաստանի ազգային կոնգրեսը։

Հնդկաստանում օրենսդիր իշխանությունը երկպալատ խորհրդարանին է պատկանում՝ վերին՝ Նահանգների խորհուրդ, եւ ստորին՝ Ժողովրդական պալատ։ Քվեարկության ընթացքում կորոշվի Ժողովրդական պալատի նոր կազմը։