նախընտրելի դարձնելDeutsche Bank-ը նախատեսում է ընդհանուր արժողությամբ մոտ 8 մլրդ եվրոյի հավելյալ էմիսիա իրականացնել: Ընդ որում՝ բանկի խոշորագույն բաժնետեր կդառնա Քաթարի շեյխ Համադ բին Յասիմ բին Ջաբր ալ Թանին, որը պատրաստակամություն է հայտնել 1,75 մլրդ եվրոյի բաժնետոմսեր գնել:
Դա կկազմի բանկի կանոնադրական կապիտալի վեց տոկոսը, փոխանցում է Deutsche Welle-ի ռուսական ծառայությունը` վկայակոչելով dpa-ն:
Մնացած բաժնետոմսերն առաջարկվելու են Deutsche Bank-ի արդեն եղած բաժնետերերին: Մյուս խոշոր բաժնետերերը նույնպես հայտնել են կանոնադրական կապիտալը ավելացնելու պատրաստակամության մասին այն դեպքում, եթե բանկի մենեջմենթը համոզիչ մարտավարություն ներկայացնի:
Նշվում է, որ ներդրումների շահավետությունը կազմելու է 13-15 տոկոս` նախկինում սպասվելիք 15 տոկոսի փոխարեն:
