Ռուսական «Գազպրոմն» ու չինական CNPC ընկերությունը Չինաստան գազ մատակարարելու  պայմանագիր են կնքել: Փաստաթուղթը ստորագրվել է ՌԴ նախագահ Վլադիմիր Պուտինի ՉԺՀ այցի ընթացքում:

Պայմանագրի ընդհանուր արժեքը 400 մլրդ դոլար է, կնքվել է  30 տարով, հայտնել է  «Գազպրոմի» ղեկավար Ալեքսեյ Միլլերը:

Գազամատակարարումների ծավալը կկազմի տարեկան 38 մլրդ խմ:

«Նման պայմանագիր ոչ մի ընկերության հետ չկա», - ասել է նա:

«Սկզբունքային բոլոր հարցերը լուծված են», - Միլլերի խոսքերն է փոխանցում ԻՏԱՌ-ՏԱՍՍ-ը:

Չինաստանի հետ երկարաժամկետ պայմանագրի ստորագրումից անմիջապես հետո   «Գազպրոմի» բաժնետոմսերի արժեքն աճել է 2%-ով՝ հասնելով  148,55 ռուբլու:

Ռուսաստանն ու Չինաստանը նաեւ փոխըմբռնման հուշագիր են ստորագրել «Արեւելյան երթուղով» բնական գազի մատակարարման մասին: