նախընտրելի դարձնել
Տաջիկստանի Լեռնային Բադախշանի մարզկենտրոն Խորոգ քաղաքում հրաձգությամբ լուրջ միջադեպ է տեղի ունեցել: Ըստ ականատեսների՝ իրավապահ մարմինների աշխատակիցները կրակել են մեքենայի վրա:
Միջադեպի հետեւանքով զոհվել է երկու մարդ, վիրավորների թիվը ճշտվում է: Ըստ այլ տվյալների՝ զոհերը երեքն են, փոխանցում է BBC-ի ռուսական ծառայությունը:
Ըստ չհաստատված տեղեկության՝ տուժածները մարզի քաղաքացիական հասարակության ոչ պաշտոնական առաջնորդներ եւ ակտիվիստներ են:
Խորոգի գլխավոր հրապարակում հավաքվել են մեկուկես հազար զայրացած բնակիչներ: Ցուցարարները Դուշանբեից պահանջում են պատժել մեղավորներին:
Նշվում է, որ փակվել է քաղաքի գլխավոր ճանապարհը, հնչում են կրակոցներ:
Տաջիկստանի ՆԳՆ-ն հրաժարվում է պաշտոնական մեկնաբանություններից:
