Նիգերիայի կենտրոնում` Ջոս քաղաքում մայիսի 20-ին կազմակերպված երկու պայթյունների զոհերի թիվը, համաձայն վերջին տեղեկությունների, 162-ի է հասել: Այս մասին առողջապահական ոլորտի աղբյուրներն են հայտնում:

Ավելի վաղ 118 զոհերի մասին էր խոսվում:

«ՌԻԱ-Նովոստի» գործակալության զրուցակցի խոսքով, տուժածներից շատերը հիվանդանոցում` արյան կորստից են մահացել:

Հիշեցնենք` առաջին պայթյունը մարդաշատ շուկայի տարածքում էր հնչել, իսկ երկրորդը` հարեւանությամբ գտնվող հիվանդանոցի մոտ:

Արմատական խմբավորումներից եւ ոչ մեկը դեռեւս պատասխանատվություն չի ստանձնել պայթյունների համար:

Վերջին տարիներին Ջոսի քրիստոնեա եւ մահմեդական բնակչության միջեւ հաճախ են ընդհարումներ գրանցվում: Հարձակումներից մի քանիսին «Բոկո Հարամ» իսլամիստական խմբավորման գրոհայիններն են մասնակցել: