նախընտրելի դարձնել
ՅՈՒԿՕՍ-ի նախկին ղեկավար Միխայիլ Խոդորովսկին արեւմտյան երկրներին զգուշացրել է զերծ մնալ Մոսկվայի հանդեպ հետագա պատժամիջոցների կիրառումից՝ մատնանշելով նրա դերը ուկրաինական ճգնաժամում:
BBC-ի հետ զրույցում Խոդորովսկին Ուկրաինայում կատարվող դեպքերը բնորոշել է որպես դանդաղկոտ քաղաքացիական պատերազմ:
«Թե հետագայում այն որքան կզարգանա, իհարկե, ինչ-որ չափով կախված է Ռուսաստանից», - նշել է նա:
Սակայն Խոդորկովսկին չի կարծում, թե ՌԴ նախագահ Վլադիմիր Պուտինը ծրագրում է զորքեր մտցնել Արեւելյան Ուկրաինա:
Պուտինը «կորցրել է վերահսկողությունը» հարեւան երկրում իրադարձությունների նկատմամբ, ասել է նա՝ հիշեցնելով Կրեմլի վերջին անհաջող փորձը Դոնեցկում եւ Լուգանսկում ռուսամետ անջատականների հանրաքվեն դադարեցնելու վերաբերյալ:
Ըստ Խոդորկովսկու՝ ԵՄ-ի առաջնորդները պետք է խուսափեն Մոսկվայի դեմ հետագա պատժամիջոցներից եւ իրենց ջանքերը կենտրոնացնեն Կիեւում բարեփոխումներին աջակցելու վրա:
Ռուսաստանն էլ ավելի ավտորիտար կարող է դառնալ, ընդգծում է նա, եթե իրավիճակն Ուկրաինայում ավելի վատանա եւ Պուտինին հնարավորություն տա հանուն իր շահերի օգտագործել այդ երկրում իշխանության ճգնաժամը:
