նախընտրելի դարձնել
Լուգանսկի մարզի Նովոյդար ավանում մարտ է ընթանում ուժայինների եւ ապստամբների միջեւ: Այս մասին Twitter-ում գրել է Ուկրաինայի ընտրողների կոմիտեի ղեկավար Ալեքսանդր Չերնենկոն, հաղորդում է «Ուկրաինսկայա պրավդա»-ն:
«Նովոյդարի շրջանում գրավել են 4 ընտրատեղամաս: Հենց Նովոյդարում դաժան մարտ է ընթանում զինվորակնների եւ անջատողականների միջեւ»,-գրել է նա:
Բացի այդ, Սպիվակովկա գյուղի բնակիչները հայտնում են, որ բնակավայրի շրջակայքում արդեն երկու ժամ է մարտ է տեղի ունենում ապստամբների ու Ազգային գվարդիայի մարտիկների միջեւ:
Ականատեսները պատմել են, որ արդեն երկու ժամ է պայթյունների ու ինքնաձիգների կրակահերթերի ձայներ են լսվում: Ապստամբների շտաբի ներկայացուցիչը նշել է, որ մարտական գործողությունների հետեւանքով կան վիրավորներ, բայց նրանց թիվն անհայտ է:
«Հարեւան Շուլգինկա գյուղով մոտ 20 տանկ է անցել»,-ասել է նա:
Ավելի վաղ Ուկրաինայի ՊՆ-ից հայտնել էին, որ երկրի արեւելքում բախումներ չկան:
