նախընտրելի դարձնել
Կանադայի Պահպանողական կուսակցության պատգամավոր Չերիլ Գալանտը Օտավայի օդանավակայանում մոռացել է ՆԱՏՕ-ի գաղտնի փաստաթղթերը:
Խորհրդարանականը պատմել է, որ պարզապես շտապել էր Լիտվայում ՆԱՏՕ-ի ԽՎ-ին հասնել եւ մտածել էր միայն այդ մասին:
Փաստաթղթերում Կանադայի արտաքին քաղաքականության մասին մանրամասն տեղեկություն է եղել եւ ՆԱՏՕ-ի ԽՎ-ի զեկույցների նախագծեր, փոխանցում է «Կոմսոմոլսկայա պրավդան»:
Թղթապանակն օդանավակայանում մնացել է մի քանի ժամ, քանի դեռ այն չի հայտնաբերել Կանադայի մշակույթի նախկին նախարար, Լիբերալ կուսակցության անդամ Շեյլա Կոպսը, որը նույն օրը նույն օդանավակայանից գործուղման էր մեկնում Արքայազն Էդուարդի Կղզի:
Քաղաքական գործիչը վաղ էր ժամանել օդանավակայան եւ որոշել սպասել սպասասրահում: Այնտեղ անսպասելի նկատել էր փաստաթղթերի տրցակ:
ՆԱՏՕ-ում վստահեցրել են, որ այդ փաստաթղթերը գաղտնի չեն: Դրանց կարելի է ծանոթանալ իրենց կայքում:
