նախընտրելի դարձնել
Ուկրաինան վերադարձրել է Հայաստանում իր դեսպանին: Տեղեկությունը ՌԲԿ-Ուկրաինա գործակալությանը հայտնել է երկրի ԱԳՆ տեղեկատվական քաղաքականության դեպարտամենտի տնօրեն Եվգենի Պերեբիյնիսը:
«Այս շաբաթ նա իր պարտականությունների կատարմանն է անցել», - տեղեկացրել է Պերեբիյնիսը:
Նրա խոսքով, Ուկրաինայի ԱԳՆ-ն դեսպանին վերադարձնելու որոշում է կայացրել այն բանից հետո, երբ Հայաստանը հաղթանակի առթիվ շնորհավորել է Ուկրաինայի նորընտիր նախագահ Պյոտր Պորոշենկոյին:
«Հայկական կողմը ողջունել է Ուկրաինայի նախագահի ըտրությունը եւ մեր երկրի հետ կառուցողական համագործակցության հույս հայտնել», - հայտարարել է Պերեբիյնիսը:
Հիշեցնենք` Ուկրաինայի ԱԳՆ-ն երկրի` Հայաստանում դեսպանին մարտի վերջին օրերին էր հետ կանչել, երբ նախագահ Սերժ Սարգսյանը դրականորեն էր արտահայտվել Ղրիմում Ռուսաստանին միակցման հարցով հանրաքվեի անցկացման փաստի առթիվ:
