Նախընտրելի
Աֆղանստանում նախագահի թեկնածու Աբդուլա Աբդուլայի ավտոշարասյան հարեւանությամբ որոտացած երկու պայթյունների հետեւանքով զոհվել է չորս մարդ:
Զոհերի շարքում են քաղաքական գործչի թիկնապահը, մեկ ոստիկան եւ երկու խաղաղ բնակիչ:
Աբդուլա Աբդուլան չի տուժել, փոխանցում է BBC-ի ռուսական ծառայությունը:
Աբդուլա Աբդուլան Աֆղանստանի նախկին արտգործնախարարն է, որը Աֆղանստանի նախագահական ընտրությունների առաջատարն է քվեարկության առաջին փուլի արդյունքներով:
Հունիսի 14-ին տեղի կունենա նախագահական ընտրությունների երկրորդ փուլը, իսկ Աֆղանստանի նոր նախագահի անունը հայտնի կդառնա օգոստոսի սկզբին:
