նախընտրելի դարձնել
«Ալ-Քայիդայի» հետ կապված «Իրաքի եւ Լեւանտի իսլամական պետություն» խմբավորման զինյալները գիշերը այրել են իրաքյան Անբար նահանգի խոշորագույն նավթապահեստներից մեկը:
Ոստիկանության հաղորդած տեղեկատվության համաձայն, ծայրահեղականները զինված հարձակում են իրականացրել նահանգի վարչական կենտրոն Ռամադա քաղաքից 5 կմ արեւմուտք տեղակայված նավթաբազայի վրա, հաղորդում է «ԻՏԱՌ-ՏԱՍՍ»-ը:
Փոխհրաձգության հետեւանքով սպանվել են երեք պահակները: Դեպքի վայր ժամանած զինծառայողները ամբողջապես շղթայել են շրջանը, երբ ծայրահեղականները այրել են նավթապահեստը, որը առավոտյան ամբողջությամբ այրվել էր:
Այժմ զինյալները շարունակում են վերահսկողության տակ պահել բազան, բանակը պատրաստվում է մարտի:
