Facebook-ը թույլատրել է երեխաներին կրծքով կերակրելու նկարներ տեղադրել

Facebook սոցիալական ցանցը թույլ է տվել կրծքով կերակրելու նկարներ տեղադրել՝ օգտատերերի առցանց բողոքից հետո: Սա համապատասխանում է  ռեսուրսի կանոններին:

Սոցցանցի փոփոխված կանոնակարգում նշվում է,  թե Facebook-ը համաձայն է, որ  «կրծքով կերակրելը բնական է եւ հիանալի»: Ըստ սոցցանցի՝ այդպիսի լուսանկարների մեծամասնությունը չեն հակասում իրենց նորմերին: 

«Նկատի ունեցեք, որ մեր դիտած լուսանկարները գրեթե միշտ մեր տեսադաշտում են հայտնվում, քանի որ  մյուս օգտվողները բողոքել են՝ Facebook-ում դրանց հայտնվելու համար», - պարզաբանվում է սոցցանցի կանոններում, փոխանցում է Lenta.ru-ն:

Կանոնները մեղմացրել են Free the nipple բողոքի ակցիայից հետո: Ակցիայի մասնակիցները կողմ են կրծքով կերակրելու նկարների տեղադրման ազատությանը: Բողոքի հարթակը Twitter-ն է եղել, որտեղ կրծքով կերակրելու լուսանկարները տեղադրվել են #FreeTheNipple հեշթեգով:

Facebook ընկերությանը պատկանող  Instagram-ում  կրծքով կերակրելու լուսանկարներ տեղադրելու մասնակի արգելքը պահպանվում է: