նախընտրելի դարձնել
Թեհրանը պատրաստ է ցանկացած ջանք գործադրել Իրաքի տարածքում սունի ծայրահեղականներից շիաների սրբավայրերը պաշտպանելու համար, հայտարարել է Իրանի նախագահ Հասան Ռոուհանին:
Նախագահի խոսքով՝ խոսքը Քերբալայում, Նաջաֆում, Բաղդադում եւ Սամարայում գտնվող սրբավայրերի մասին է, հաղորդում է BBC-ի ռուսական ծառայությունը:
Ավելի վաղ «Իրաքի եւ Լեւանտի իսլամական պետություն» խմբավորման ծայրահեղականները սպառնացել էին ոչնչացնել շիաների ուխտագնացության վայրերը:
Իրանի իշխանություններն Իրաքի վարչապետ Նուրի Մալիքիի մերձավոր դաշնակիցներն են, որը նույնպես իսլամի շիա ուղղությանն է պատկանում:
