նախընտրելի դարձնել
ՌԴ նախագահ Վլադիմիր Պուտինը Դաշնության խորհրդին առաջարկել է կասեցնել «Ուկրաինայի տարածքում ՌԴ ԶՈՒ-ն օգտագործելու մասին» որոշման գործողությունը:
Պետության ղեկավարի մամուլի քարտուղար Դմիտրի Պեսկովը հայտնել է, որ համապատասխան դիմումը Պուտինը Խորհրդի նախագահ Վալենտինա Մատվիենկոյին ուղարկել է Վիեննա այցից առաջ, գրում է «ՌԻԱ Նովոստին»:
Ըստ Պեսկովի՝ դա արվել է «Ուկրաինայի արեւելյան մարզերում իրավիճակի կարգավորման նկատառմամբ, ինչպես նաեւ տվյալ հարցով եռակողմ բանակցություններ սկսելով պայմանավորված»:
Դաշնության խորհուրդն արդեն հունիսի 25-ին կուսումնասիրի Ուկրաինայում ՌԴ ԶՈՒ-ն օգտագործելու համաձայնությունը հետ կանչելու հարցը:
