նախընտրելի դարձնել
«Հարավկովկասյան երկաթուղին» շարունակում է սահուն կերպով բարձրացնել ուղեւորների փոխադրման սակագները Երեւան-Բաթումի-Երեւան ամառային ուղեւորափոխադրումների սեզոնին: Ընդ որում, արդեն ավանդույթ է դարձել, որ ամենաթանկ տոմսերը վաճառվում են հուլիսի 10-ից օգոստոսի 20-ն ընկած ժամանակահատվածում, այսինքն ՝ այն օրերին, որոնց բաժին է ընկնում Հայաստանից Վրաստանի սեւծովյան ափամերձ հատվածներում հանգստացողների առյուծի բաժինը: Ու թեեւ ընկերությունում գների բարձրացումը համարում են «աննշան», սակայն թվերը նայելիս բոլորովին այլ տպավորություն է ստեղծվում:
Այսպես, «Հարավկովկասյան երկաթուղիներ» կայքի տեղեկատվության համաձայն, պլացկարդ-վագոնի 1 տեղի նվազագույն սակագինը կազմում է 12170 դրամ, իսկ կուպե-վագոնինը՝ 18900 դրամ, հարմարավետ կուպե-վագոնի սակագինը (միակ առավելությունը հիգիենիկ տակաշորի, թեյի, սուրճի եւ թխվածքաբլիթի տրամադրումն է)՝ 20880 դրամ: Ննջարան-վագոնի տոմսի արժեքը (երկտեղանի) կազմում է 28590 դրամ:
Հաշվի առնելով, որ Վրաստանի սեւծովյան ափամերձ հատվածում հանգստանում են լավագույն դեպքում միջին եկամուտ ունեցող Հայաստանի քաղաքացիներ գների, ապա գների բարձրացումը հերթական հազար դրամով, իսկ երկտեղանոց ննջարանային վագոնի դեպքում՝ 2000 դրամով, հազիվ թե աննշան են: Իսկ հ եկնելը ենթադրում է նաեւ այնտեղից վերադարձ:
