նախընտրելի դարձնել
Աֆղանստանի մայրաքաղաք Քաբուլ տանող ճանապարհին գրոհայինները 400-ից ավելի բենզատարներ են այրել, որոնք, ենթադրվում է, բենզին եւ նավթ էին տանում ՆԱՏՕ-ի զորքերի համար,փոխանցում է CNN-ը՝ վկայակոչելով ոստիկանությանը։
Դեպքի վայր են հրավիրվել փրկարար ծառայությունները, հայտնել է ոստիկանության ներկայացուցիչ Հաշմաթուլահ Սթանեքզայը:
Հարձակման պատասխանատվությունն արդեն ստանձնել են «Թալիբան» շարժման գրոհայինները: Իր հայտարարությունում շարժման ղեկավարությունը նշել է, որ հարձակման է ենթարկվել բեռնատարների կայանատեղին, որոնք վառելիք են տեղափոխում տարածաշրջանում ՆԱՏՕ-ի ուժերի համար, փոխանցում է «ՌԻԱ Նովոստին»:
Ավելի վաղ թալիբները բազմիցս կրակել էին ՆԱՏՕ-ի բենզատարների վրա, որոնք հարեւան Պակիստանից վառելիք են մատակարարում արտասահմանյան ռազմաբազաներ:
