նախընտրելի դարձնել
Ուկրաինայի նախագահ Պյոտր Պորոշենկոն առաջարկել է Դոնեցկի Սվյատագորսկ քաղաքում Ռուսաստանի եւ ինքնահռչակ Դոնեցկի եւ Լուգանսկի ժողովրդական հանրապետությունների ներակայացուցիչների մասնակցությամբ խաղաղ կարգավորման բանակցությունների հաջորդ փուլը սկսել:
Այդ մասին մամուլի ասուլիսին հայտարարել է Դոնեցկի քաղաքապետ Ալեքսանդր Լուկյանչենկոն, հաղորդում է «Մունիցիպալ թերթը»:
«Երեկ ես ժողովրդական պատգամավոր Բորիս Կոլեսնիկովի հետ Կիեւում հանդիպել եմ Ուկրաինայի նախագահ Պյոտր Պորոշենկոյի հետ: Մենք խոսել ենք, որ Դոնեցկում ռազմական գործողությունների ժամանակ անհնար է կիրառել հարձակողական ինքնաթիռ եւ հրետանի: Դոնեցկում մնացած ավելի քան 900 հազար բնակիչներին անհնար է տարհանել եւ տեղ էլ չկա»,- պատմել է քաղաքապետը:
Ալեքսանդր Լուկյանչենկոն համոզված է, որ անհրաժեշտ է այս պայմաններում բանակցությունների միջոցով բոլոր մակարդակներում ապահովել քաղաքացիների անվտանգությունը:
«Նախագահի կողմից Ռուսաստանի եւ ԼԺՀ ու ԴԺՀ-ի ներկայացուցիչների մասնակցությամբ Սվյատագորսկում բանակցությունների հաջորդ փուլն անցկացնելու առաջարկություններ եւ երաշխիք ենք ստացել», - տեղեկացրել է քաղաքագլուխը:
