նախընտրելի դարձնել
Պակիստանի հյուսիսարեւմտյան Խայբեր-Փախթունքվա նահանգում տեղի ունեցած վթարի հետեւանքով զոհվել է 15 մարդ, եւս մի քանիսը վիրավորվել են, փոխանցում է ԻՏԱՌ-ՏԱՍՍ-ը՝ վկայակոչելով Dawn թերթի կայքը:
Ըստ վթարի ականատեսների՝ Բաթագրամ շրջանի լեռնային խճուղով շարժվող ուղեւորատար միկրոավտոբուսը չի կարողացել անցնել կտրուկ ոլորանը, բախվել է ճանապարհային պատնեշին եւ գլորվել անդունդը: Դեպքի վայրում աշխատում են փրկարարները, ավտոբուսից հանել են 15 զոհերի եւ մի քանի վիրավորների մարմիններ, որոնցից երեքը ծանր վիճակում են:
Պակիստանը մարդկային կյանքեր խլած վթարների թվով համաշխարհային առաջատարներից է, որը պայմանավորված է ճանապարհների վատ վիճակով, տրանսպորտային միջոցների տեխնիկական վիճակի նկատմամբ վարորդների անփութությամբ եւ ճանապարհային երթեւեկության կանոնների զանգվածային խախտումներով:
