նախընտրելի դարձնել
Լուսնի մակերեւույթի վրա հայտնաբերված միլիոնավոր խառնարաններից բացի, գիտնականները նաեւ ավելի քան 200 անցքեր եւ քարանձավներ են հայտնաբերել, որոնք ապագայում Երկրի արհեստական արբանյակի զարգացման դեպքում կարող են օգտագործվել տիեզերագնացներ կողմից:
Անցքերը, որոնցից երեքը հայտնաբերվել են ճապոնական Kaguya զոնդի, իսկ մնացածները՝ LRO սարքի լուսանկարների օգնությամբ, տրամագծով 5-ից մինչեւ 900 մետր են եւ կարող են մարդկանց կողմից օգտագործվել որպես բնական ապաստարան ջերմաստիճանի տատանումների եւ տիեզերական ճառագայթման դեպքում:
Ըստ Газета.Ру-ի, լուսնային մակերեւույթում բազմաթիվ անցքեր եւ քարանձավներ կազմավորվել են միլիարդավոր տարիներ առաջ, լավայի սառչելու եւ սառած կեղեւի քանդման արդյունքում:
«Մի քանի մետր խորությամբ ապրելն անվտանգության տեսանկյունից կատարյալ տարբերակ է տիեզերագնացների համար. ոչ մի ճառագայթում, ոչ մի երկնաքար, ջերմաստիճանի ոչ մի սարսափելի տատանում, շատ քիչ փոշի»,- ասում է Icarus ամսագրում հրապարակված հոդվածի հեղինակ Ռոբեր Վագները, ով հաշվել է Լուսնի վրա հայտնաբերված նոր անցքերը:
