նախընտրելի դարձնել
Պարզվել է Ուկրաինայի արեւելքում Malaysia Airlines ավիաընկերության Boeing-777-ի վթարի բոլոր զոհերի ինքնությունը։ Այս մասին վկայում են ավիափոխադրողի կայքում հրապարակված տվյալները։
Համաձայն նորացված ցուցակի՝ զոհերի թվում կա Նիդեռլանդների 192 հպատակ, որոնցից մեկը նաեւ ԱՄՆ-ի քաղաքացիություն ուներ։ Ցուցակում նաեւ Մալայզիայի 44 քաղաքացի կա (ներառյալ անձնակազմի անդամները), Ավստրալիայի 27 քաղաքացի, Ինդոնեզիայի 12 քաղաքացի։ Զոհերից 10-ն էլ Բրիտանիայի հպատակներ են, որոնցից մեկը նաեւ ՀԱՀ-ի քաղաքացիություն ունի։ Զոհվածների թվում կա նաեւ 4 գերմանացի եւ նույնքան էլ բելգիացի, երեք ֆիլիպինցի, Կանադայի եւ Նոր Զելանդիայի մեկական քաղաքացի, փոխանցում է ԻՏԱՌ-ՏԱՍՍ-ը։
Malaysia Airlines ավիաընկերության Boeing-777-ը, որը Ամստերդամ-Կուալա-Լումպուր չվերթն էր իրականացնում, ընկել էր հինգշաբթի երեկոյան Դոնեցկի մարզում։ Բոլոր 298 ուղեւորները զոհվել էին։
