Թուրքական ավիաուղիների նոր չվերթի բացման կապակցությամբ Տանզանիա մեկնած թուրք լրագրողներից մի քանիսը ենթարկվել են սեռական ոտնձգության։  Այս մասին գրել է թուրքական Takvim-ի կին լրագրող Էջե Վահապօղլուն։

Զանզիբարում թուրք լրագրողներին հյուրանոցում տեղավորելիս  լրագրողներից մեկը հարցրել է հյուրանոցի երիտասարդ սպասավորին, թե համարներում մոծակ կա՞, որին ի պատասխան, աշխատակիցը ասել է, թե գիշերը կարող է նրա հետ մնալ։

Հյուրանոցի նույն աշխատակիցը գիշերը թակել է մեկ այլ կին լրագրող Օյլում Թալուի համարի դուռը՝ ասելով.  «Ես ուզում եմ համբուրել քեզ»։  Իսկ Takvim-ի լրագրողին հյուրանոցի աշխատակիցը հարցրել է, թե նա ամուսին ունի՞։