նախընտրելի դարձնել
Microsoft ընկերությունը մտադիր է ամբողջությամբ հրաժարվել Nokia բրենդից: Ամենայն հավանականությամբ, Lumia 830 եւ Lumia 730 սմարթֆոնները կարող են Nokia բրենդի հետ ասոցացվող վերջին սարքերը դառնալ: Microsoft-ի այս որոշումը կապված է արտադրանքը միասնականացնելու ցանկության հետ:
Սա սակայն չի նշանակում, որ ընկերությունը որոշել է դադարեցնել բջջային օպերացիոն համակարգերի զարգացումը: Պարզապես Windows 9-ի թողարկումը պետք է նշանավորի Microsoft-ի բոլոր սարքերի՝ համակարգիչների, պլանշետների, սմարթֆոնների եւ խաղային սարքերի համար միասնական համակարգի սկիզբը:
«Միասնական եւ չծերացող» Windows-ի օգտին քվեարկել է The Vergе կայքի այցելուների 52 տոկոսը: Նրանց էլ ավելի դուր է եկել Microsoft Explorer-ի անվանափոխության գաղափարը, որը կապված է բրաուզերի տարիներով ստեղծված վատ համբավի վերացման հետ, հայտնում է «տելեպորտը»:
