նախընտրելի դարձնել
ԱԷՄԳ-ի գլխավոր տնօրեն Յուկիա Ամանոն կազմակերպության անդամ պետություններին կոչ է արել միջոցներ տրամադրել գործակալությանը միջազգգային դիտորդների «վեցյակի» (ԱՄՆ, Մեծ Բրիտանիա, Ֆրանսիա, Գերմանիա, Ռուսաստան, Չինաստան) եւ Իրանի միջեւ համաձայնագրի ստուգման համար՝ հաշվի առնելով մինչեւ նոյեմբերի 24-ը բանակցությունների հետաձգումը, փոխանցում է «ՌԻԱ Նովոստին»:
«Մեր գործունեության շարունակությունը կպահանջի հավելյալ ֆինանսավորում` միլիոն եվրոյի չափով, որոնցից խոստացվել է դեռ 300 000 եվրո: Ես հրավիրում եմ անդամ պետություններին, որոնք կցանկանային ներդրում կատարել», — ասվում է ԱԷՄԳ-ի կառավարիչների խորհրդի հերթական նիստի բացման ժամանակ Ամանոյի զեկույցում`հրապարակված կազմակերպության կողմից:
Ավելի վաղ Ամանոն հայտարարել էր, որ ԱԷՄԳ-ը նախկինի պես չի կարող երաշխավորել, որ Իրանի միջուկային բոլոր նյութերը եւ միջուկային գործունեությունն օգտագործվում են խաղաղ նպատակներով:
«Գործակալությունն ի վիճակի չէ ապացույցներ տրամադրել Իրանում միջուկային նյութերի եւ գործունեության բացակայության վերաբերյալ, եւ հետեւաբար, եզրակացնել, որ Իրանի բոլոր միջուկային նյութերն օգտագործվում են խաղաղ նպատակով», — հայտարարել է ԱԷՄԳ-ի ղեկավարը:
