նախընտրելի դարձնելԿիրակի օրը իր հումորային նորություններով հայտնի National Report կայքը տեղեկություն է տարածել, որ Facebook-ը որոշել է վճարովի դառնալ:
Այս կայքը «մեջբերում» է «Ֆեյսբուքի» գլխավոր տնօրեն Մարկ Ցուկերբերգի խոսքերը. «Լավ մտածելով այդ որոշման շուրջ` մենք ստիպված եղանք ամենամսյա վճար սահմանել»: Նա նաեւ նշել է. «Այժմ դժվար ժամանակներ են», եւ ընկերությունը հավելյալ ֆինանսական միջոցների խիստ կարիք ունի, քանի որ գովազդից ստացվող եկամուտը հազիվ է բավարարում «Ֆեյսբուքի» սերվերների սպասարկմանը, փոխանցում է informing.ru-ն:
Այդ պատճառով էլ, ըստ հումորային կայքի, եթե սոցցանցի օգտվողները ցանկանան կայքի ամբողջական տարբերակը, ապա նոյեմբերի 1-ից պետք է բաժանորդավճար վճարեն, սակայն վճարելու են միայն երկրորդական գործառույթների եւ խաղերի համար:
Հիշեցնենք, որ չնայած «Ֆեյսբուքի» «դժվար ժամանակներին» եւ ֆինանսական դժվարություններին, այն խոշոր նախագծեր է ձեռք բերում: Օրինակ` Oculus VR-ը` 2 միլիարդ դոլարով, Instagram բջջային սոցցանցը` 1 միլիարդ դոլարով, WhatsApp մեսենջերը` 19 միլիարդ դոլարով:
