ՆախընտրելիԿառավարությունում հունիսի 22-ին տեղի է ունեցել Եվրոպական Միության հետ Հայաստանի համագործակցությունը համակարգող հանձնաժողովի նիստ, որը վարել է վարչապետ, հանձնաժողովի նախագահ Տիգրան Սարգսյանը:
NEWS.am-ը Կառավարության մամուլի ծառայությունից տեղեկանում է, որ նիստում քննարկվել է Եվրոպական հարեւանության քաղաքականության Հայաստան-ԵՄ գործողությունների ծրագրի 2009-2011 թվականների միջոցառումների կատարման ընթացքը:
ՀՀ պետական գերատեսչությունների ղեկավարները զեկուցել են վարչապետին նշված ժամանակահատվածում իրականացված միջոցառումների եւ որոշ միջոցառումների չկատարման կամ ժամանակին չկատարման մասին:
Անդրադառնալով ՀՀ պետական գերատեսչությունների կողմից իրականացման ենթակա միջոցառումներին` վարչապետն ընդգծել է որոշ միջոցառումների վերանայման եւ վերաշարադրման անհրաժեշտությունը:
Կառավարության ղեկավարը ՀՀ պետական գերատեսչությունների ղեկավարներին հանձնարարել է մեկ շաբաթվա ընթացքում հաշվետվություն ներկայացնել միջոցառումների իրականացման արդյունքում արձանագրված առաջընթացի վերաբերյալ:
