նախընտրելի դարձնելYahoo!-ն մտադիր է ներդրում կատարել հաղորդագրությունների փոխանակման Snapchat ծառայությունում՝ ելնելով դրա 10 մլրդ գնահատականից, փոխանցում է Bloomberg-ը։
Ըստ տվյալների՝ Yahoo!-ն Snapchat-ի ֆինանսավորման առաջատար ներդրողն է, որում նաեւ մասնակցում է ամերիկյան Kleiner Perkins Caufield & Byers հիմնադրամը։ Ներդրումների առաջարկվող ծավալն անհայտ է։
Snapchat-ը վաստակում է բջջային ծառայություններ մատուցելով, որը հնարավորություն է տալիս վայրկենապես փոխանակել լուսանկարներ եւ տեսահաղորդագրություններ, որոնք ինքնահեռացվում են դիտելուց որոշ ժամանակ անց: 2011 թ. մեկնարկած նախագծի շահույթը զրոյական է: Snapchat-ը ներգրավել է արդեն շուրջ 130 մլն դոլար այնպիսի ներդրողներից, ինչպիսիք են Tencent-ը, Benchmark-ը, SV Angel-ը, Lightspeed Venture Partners-ը եւ General Catalyst-ը: Անցյալ տարի Facebook ծառայոթյունը 3 մլրդ դոլարով ձեռք բերելու բանակցություններ էր վարում, իսկ Coatue Management LLC ներդրումային ընկերությունն այն գնահատել է 2 մլրդ դոլար: Snapchat-ը 10 մլրդ դոլար գնաատելու դեպքում այն կընդգրկվի աշխարհի ամենաթանկ սթարթափերի ցանկում Airbnb կայքի եւ Dropbox-ին զուգահեռ: Այդ ընկերությունները վերջերս գնահատվել են մոտավորապես 10 մլրդ դոլար: Հունիսին Uber սթարթափը ներգրավել էր շուրջ 1,2 մլրդի ներդրումներ, որի շնորհիվ գնահատվել էր 17 մլրդ դոլար:
