Իրանի արտգործնախարար Մանուչեհր Մոթաքին կոչ է արել Մոսկվային իրատեսական քաղաքականություն վարել, որպեսզի խուսափի միակողմանի պատժամիջոցների կիրառումից։

Մոթաքին Ռուսաստանին կոչ է արել Արեւմուտքին ասել, որ կդադարեցնի արեւմտյան երկրների հետ համագործակցությունը, եթե նրանք շարունակեն պնդել Թեհրանի դեմ միակողմանի պատժամիջոցների կիրառման հարցում, հայտնում է IRNA գործակալությունը։

«Իրանը եւ Ռուսաստանը հարեւան երկրներ են։ Ռուսաստանը մեծ նշանակություն է տալիս Իրանի հետ հարաբերություններին, սակայն մի շարք հարցերում տարաձայնություններ ունի նրա հետ»,- ասել է Մոթաքին։