նախընտրելի դարձնելԱմերիկացի հայտնի ձեռնարկատեր Էլոն Մասկը, որը հիմնադրել է Tesla ընկերությունը եւ SpaceX տիեզերական ձեռնակությունը, նոր նախագիծ է պատրաստում, հայտնում է The Wall Street Journal-ը:
Գործարարը ծրագրում է տիեզերք ուղարկել շուրջ 700 արբանյակ, որոնք ապահովելու են համացանցի հասանելիությունը ողջ աշխարհում:
Մասկը տվյալ ծրագիրը նախատեսում է իրականացնել Google-ի նախկին թոփ մենեջեր Գրեգ Ուայլերի հետ, որն արբանյակային ոլորտում աշխատանքի մեծ փորձ ունի: Ուայլերի WorldVu Satellites ընկերությանն է պատկանում ռադիոալիքների հաճախականության խոշոր բլոկի իրավունքը, փոխանցում է ՏԱՍՍ-ը:
Գործընկերները հուսով են տիեզերք ուղարկել 113 կգ-ից ոչ ավելի քաշով առարկաներ, որը երկու անգամ քիչ է ամենափոքր հեռահաղորդակցային արբանյակներից, որոնք այժմ աշխատում են ուղեծրում: Սպասվում է, որ Մասկի եւ Ուայլերի սարքերը ավելի էժան կլինեն ներկայիս համարժեքներից. Դրանց արժեքը չի գերազանցելու 1 մլն դոլարը: Ծրագրվում է, որ տիեզերք արբայնակը տեղ կհասցնեն SpaceX-ի Falcon 9 հրթիռները:
Արբանյակների արտադրության համար Մասկը եւ Ուայլերը պատրաստվում են նոր գործարան կառուցել, ենթադրաբար՝ Ֆլորիդա կամ Կոլորադո նահանգներում: Եթե գործընկերներին հաջողվի տիեզերք ուղարկել 700 սարք, ապա նրանց արբանյակային խումբը տասն անգամ ավելին կլինի, քան աշխարհի խոշորագույն բջջային կապի օպերատոր ամերիկյան Iridium Comminications-ինը:
Ծրագրի ներդրումները պետք է կազմեն շուրջ 1 մլրդ դոլար: Մասկը եւ Ուայլերը պատրաստ են ներգրավել նաեւ որոշ առաջատար տեխնոլոգիական ձեռնարկությունների:
