նախընտրելի դարձնելԿորեական Samsung ընկերությունը մտադիր է դուրս գալ վիդեոսթրիմինգի շուկա՝ նախապատրաստելով սեփական Volt ծառայությունը, հայտնում է Hitech Vesti-ն:
Samsung-ի տեսածառայությունը քիչ է հակված լինելու ֆիլմերի եւ սերիալների, հիմնականում այն ցուցադրելու է կարճ եւ թեթեւ նյութեր: Հիշեցնենք, որ ավելի վաղ ձեռնարկությունը փորձել էր մեկ այլ տեսածառայություն շրջանառել՝ Media Hub անվան տակ, սակայն ներկայումս դադարեցրել է այդ նախագիծը:
Նախագծի ղեկավար է ընտրվել Ջոն Փլիզանթսը, որը նախկինում աշխատել է Disney-ում: Volt-ի հիմնական առավելությունն այն է, որ ծառայության ողջ բովանդակությունը լինելու է կարճ, բայց՝ բացառիկ:
Ամենայն հավանականությամբ, Volt նախագիծը շուկա դուրս գալուց առաջ կվերանվանվի՝ ավելի տպավորիչ անուն ստանալով:
Աղբյուրը հիշեցնում է, որ ներկայումս Samsung-ն արդեն փորձում է դիրքեր գրավել աուդիոշուկայում՝ իր Milk Music նախագծով:
