նախընտրելի դարձնելՌԴ նախագահ Վլադիմիր Պուտինը հայտարարել է, որ Ռուսաստանն անկեղծորեն հույս է փայփայում, որ Իրանի հետ նավթային պայմանագրերը կյանքի կկոչվեն: Այս մասին պետության ղեկավարն ասել է ամենամյա մամուլի ասուլիսում:
«Մենք անկեղծորեն ձգտում ենք դրանց իրականացմանը»,- հայտարարել է Պուտինը:
Սակայն նա նշել է, որ այդ հարցում կան մի շարք խնդիրներ: «Ապրանքաշրջանառությունն իրոք նվազել է, այն ավելացնելու փորձեր ենք ձեռնարկում: Սա ոչ միայն մեզնից է կախված, այլեւ համաշխարհային տնտեսությունից: Իրանի տնտեսությունը կապակցված է նավթագազային սեկտորի հետ, փոխանցում է Gazeta-ն:
Պուտինը նաեւ նշել է, որ Իրանի միջուկային ծրագրի հանգուցալուծումն արդեն մոտ է: Բացի դրանից, նախագահը մեկնաբանել է Իրանում ռուսաստանցի դեսպանների աշխատանքը եւ ընդգծել, որ Ռուսաստանը բավարարված է նրանց աշխատանքով:
«Դեսպանի պարտականությունների մեջ մտնում է միջպետական կապերի մշտական բարելավումը, սակայն նրա պարտականությունների մեջ չի մտնում ապրանքաշրջանառության ավելացումը», - ասել է Պուտինը:
