նախընտրելի դարձնելSplashData ընկերությունը ներկայացրել է օգտատերերի ամենատարածված գաղտնաբառերի հերթական ամենամյա ցանկը, որը կազմվել է հաքերների գողացած տվյալների հիման վրա: Gizmodo կայքը հրապարակում է այդ ցանկի առաջին 25 տեղերը զբաղեցրած գաղտնաբառերը:
Ինչպես եւ մեկ տարի առաջ, ցանկի առաջին տեղում է «123456» թվերի հերթագայությունը, երկրորդ տեղում՝ «password»-ը (գաղտնաբառ): Երրորդ եւ չորրորդ տեղերն են զբաղեցնում թվերի պարզ հերթագայությունները («12345» եւ «12345678»):
Վատագույն գաղտնաբառերի տասնյակում են նաեւ հետեւյալ բառերն ու թվերի հերթագայությունները՝ «qwerty», «123456789», «1234», «baseball», «dragon» եւ «football», փոխանցում է Newsru. Com-ը:
Թույլ գաղտնաբառերի շարքում են նաեւ սուպերհերսոների անունները՝«superman» եւ «batman», ինչպես նաեւ մի անուն («michael»):
Կիբերանվտանգության ոլորտի մասնագետներն օգտատերերին խորհուրդ են տալիս ավելի բարդ գաղտնաբառեր ընտրել եւ խուսափել պարզ բառերից կամ թվերի հերթագայությունից: Փորձագետները խորհուրդ են տալիս օգտագործել հատուկ գեներատոր ծրագրեր:
