նախընտրելի դարձնելApple ընկերությունը MacBook Air շարքի ամենաբարակ նոութբուքը, որը կունենա Retina էկրան, մտադիր է թողարկել մարտի վերջից, գրում է Apple Insider-ը՝ վկայակոչելով վերլուծաբան Մին Քի Կուոյին (Ming-Chi Kuo) ՝ KGI Securities ընկերությունից:
Գերբարակ, 12 մատնաչափ Retina էկրանով MacBook Air-ի մասին լուրերը շրջում են արդեն տարուց ավելի: Այժմ Retina էկրան ունեն միայն MacBook Pro շարքի նոութբուքերը, փոխանցում է Lenta-ն:
Ըստ վերլուծաբանի՝ 2015թ. առաջին երեք ամսում Apple-ը կարող է շուրջ 6 մլն Mac համակարգիչ վաճառել:
Բացի այդ, Մին Քի Կուոն համաձայնել է, որ Apple Watch խելացի ժամացույցները շուկայում կհայտնվեն մարտին: Արդյունքում առաջին քառորդում ընկերությունը կարող է 2,8 միլիոնից ավելի սարք իրացնել:
