նախընտրելի դարձնելՂրղըզստանի ժամանակավոր նախագահ Ռոզա Օթունբաեւան հռչակագիր է ստորագրել Ղրղըզստանի նախկին նախագահ Ասկար Ակաեւին անձեռնմխելիությունից եւ նախագահի կարգավիճակից զրկելու մասին:
Համաձայն ժամանակավոր կառավարության դեկրետի՝ Ակաեւը մի շարք ծանր հանցագործություններ է կատարել, այդ թվում զանգվածային խռովություններ է հրահրել եւ ղրղըզական հողերի մի մասը հանձնել է Չինաստանին եւ Ղազախստանին, հաղորդում է Lenta.ru-ն:
«Իր պաշտոնը լքելով 2005թ. հեղաշրջման արդյունքում՝ Ակաեւը առ այսօր օգտվել է անձեռնմխելիությունից, հետեւաբար չէր կարող ենթարկվել պատասխանատվության` իր կառավարման ժամանակ կատարած հանցագործությունների համար»,- ասված է դեկրետի տեքստում:
