նախընտրելի դարձնել«Եդինոյա Ռոսիա» կուսակցությունը որոշել է չընդգրկել է Կալինինգրադի մարզի գործող նահանգապետ Գեորգի Բոոսին տարածշրջանի ղեկավարների թեկնածուների ցուցակում:
Բոոսի փոխարեն, ինչպես նշվում է կուսակցության կայքում, Ռուսաստանի նախագահին առաջարկվել է երեք թեկնածու՝ Պետդումայի պատգամավոր Յուրի Սավենկոն, Գուսեւի տեղական ինքնակառավարման մարմնի ղեկավար Նիկոլայ Ցուկանովը եւ Կալինինգրադի քաղաքապետ Ալեքսանդր Յարոշուկը:
Թեկնածուների ցուցակում Գեորգի Բոոսի բացակայությունը բացատրել են նրանով, որ նրա ունակությունները կօգտագործեն դաշնային մակարդակի որեւէ պաշտոնում, սակայն առայժմ չի նշվում, թե ինչ պաշտոնի մասին է խոսքը:
Գեորգի Բոոսը ղեկավարում է մարզը 2005թ.-ից: 2010թ. մարզում զանգվածային ցույցեր են եղել գործող նահանգապետի եւ դաշնային իշխանությունների դեմ, ինչն էլ հիմք էր տվել խոսել Բոոսի պաշտոնանկության մասին: Օգոստոսին էլ նոր սկանդալ էր ծագել Բոոսին ապօրինաբար գնդապետի կոչում շնորհելու կապակցությամբ:
Նշենք, որ Բոոսի՝ Երեւան կատարած այցի ընթացքում՝ 2009թ. նախանշվել էին արտաքին առեւտրում, մասնավորապես էներգետիկայի, էլենտրոնիկայի, առեւտրի, զբոսաշրջության ոլորտներում համագործակցության շրջանակները:
