Նախընտրելի
Սեպտեմբերի 9-ին Apple ընկերությունը կներկայացնի իր նոր սմարթֆոնները ՝ iPhone 6S-ը եւ iPhone 6S Plus –ը։Այդ մասին հայտնող Bloomberg ընկերությունը այս տեղեկության համար հիմք է ընդունել այն փաստը, որ ամերիկյան կորպորացիան Սան Ֆրանցիսկոյում կայանալիք շնորհանդեսին մասնակցելու հրավիրատոմսեր է բաժանել։ Ենթադրվում է, որ միջոցառմանը կներկայացվեն iPhone-ի նոր մոդելը եւ այլ նորույթներ։
Անցած շաբաթ հայտնի դարձավ, որ iPhone 6S եւ iPhone 6S Plus սմարթֆոնները վաճառքի կհանվեն սեպտեմբերի 18-ին։ Առաջին վաճառքը կմեկնարկի ԱՄՆ –ում, Մեծ Բրիտանիայում, Գերմանիայում եւ Ճապոնիայում, նշում է Forbes-ը։
Չինական Daliulian սոցցանցում անցած շաբաթ հայտնվել էին իբրեւ նոր iPhone –ի պատկերները, իսկ օգոստոսի 26-ին աշխարհի խոշորագույն օպերատոր China Telecom-ի սոցիալական լրատվամիջոցների բաժնի վարիչը պատմել էր ապագա նորույթի որոշ դետալների մասին։ Նրա տեղեկություններով ՝ iPhone 6S-ն արտաքուստ չի տարբերվելու ակտուալ ֆլագմանից, ինչը համապատասխանում է կորպորացիայի քաղաքականությանը։
