նախընտրելի դարձնելԲնապահպանության նախարարի հանձնարարականով ՀՀ տարածքում սիրողական որսաշրջանի բացման հետ կապված, խստացվել է վերահսկողությունը:
Նախարարության մամուլի ծառայությունից NEWS.am-ին հայտնում են, որ ՀՀ ԲՆ բնապահպանական պետական տեսչության կողմից ՀՀ որսահանդակներում վերջին հինգ օրերի ընթացքում հայտնաբերվել է ապօրինի որսագողության (լորի ու կաքավի) վեց դեպք:
Օրինախախտներից առգրավվել է զենքերը, իրականացվում է վարչական վարույթ, ինչից հետո կկիրառվի պատժամիջոց եւ կվերականգնվի բնությանը պատճառած վնասը:
Բնապահպանության նախարարի հանձնարարականով լրացուցիչ տեսչական խումբ է ուղղարկվել Արայի լեռ: Արդյունքների մասին տեղեկություններ կհրապարակվեն առաջիկայում:
