Ֆրանսիայի արտգործնախարարությունից մեկնաբանել են  երգիծական  Charlie Hebdo ամսագրի՝ Եգիպտոսում А321-ի ողբերգության թեմայով ծաղրանկարները, տեղեկացնում է Russia Today-ը։  

Նախարարության պաշտոնական ներկայացուցչի խոսքով, Ֆրանսիայում լրագրողներն ազատորեն արտահայտում են իրենց կարծիքը, որը ոչ միշտ է համընկնում պաշտոնական իշխանությունների կարծիքի հետ։  

«Շաբաթ օրը սարսափելի ողբերգության մասին տեղեկանալուց անմիջապես հետո  առաջիններից մեկն էինք, որ ցավակցություն հայտնեցինք Ռուսաստանի իշխանություններին եւ ժողովրդին»,- նշել է նա։

Ռուսաստանի մամուլի քարտուղար Դմիտրի Պեսկովը սրբապղծություն է անվանել A321-ի աղետի վերաբերյալ  Charlie Hebdo ամսագրի ծաղրանկարները։   

Charlie Hebdo ամսագիրն իր էջերին երկու ծաղրանկար է հրապարակել, որոնք վերաբերում են Եգիպտոսում А321 օդանավի վթարին։