Նախատեսված է Իրանի, Ադրբեջանի եւ Թուրքիայի արտգործնախարարների եռակողմ հանդիպում երեք երկրների սահմանագծում, հայտնում է թուրքական  Zaman-ը: Ինչպես լրագրողների հետ հանդիպման ժամանակ հայտարարել է Թուրքիայի արտգործնախարար Ահմեդ Դավութօղլուն, հանդիպման նպատակը երեք երկրների միջեւ համագործակցության խորացումն է: Միջոցառման անցկացման վայրի ընտրությունը պատահական չէ. երեք երկրների սահմանների հատման գծում անցակետեր կան Ադրբեջանի եւ Թուրքիայի միջեւ: Ներկա դրությամբ, բանակցություններ են ընթանում Իրանի հետ անցակետի բացման շուրջ: