նախընտրելի դարձնելՀայաստանի բնապահպանության նախարար Արամ Հարությունյանի հանձնարարականով Լոռու մարզի Բնապահպանության պետական տեսչության բաժնի տեսուչները մեկնել են լրատվամիջոցներում բարձրացված ահազանգի հետքերով:
Նախարարության մամուլի ծառայությունից NEWS.am-ին հայտնում են, որ ՀՀ ԲՊՏ Լոռու տարածքային տեսուչները համագործակցելով ՀՀ տարածքային ոստիկանության եւ «Հայանտառ» ՊՈԱԿ-ի աշխատակիցների հետ հայտնաբերել են հատված ծառերը եւ հաշվարկել բնությանը հասցված վնասը:
Պարզվել է, որ Լոռու մարզի Վահագնաձոր գյուղի բնակիչ Մհեր Ղուկասյանը հատել է վեց ծառ, 4-ը` բոխի եւ 2-ը`հաճարենի:
Հաշվարկվել է բնությանը հասցված վնասը, ինչը կազմել է 442.500 դրամ:
ՀՀ ԲՆ Լոռու մարզային տեսուչները, ոստիկանության աշխատակիցների հետ համատեղ իրականացրել են շրջայցեր, ինչի արդյունքում հայտնաբերվել է հատված եւս 5 ծառ, 3-ը` հաճար, 2-ը` բոխի: Հաշվարկվել է բնությանը պատճառված վնասը ինչը կազմել է 222.000 դրամ:
Գործերը գտնվում են Լոռու մարզային վարչության Գուգարքի բաժնում:
