ՆախընտրելիԱՄՆ զինված ուժերի գլխավոր շտաբի պետ Մայքլ Մալենն այսօր` սեպտեմբերի 3-ի երեկոյան ժամանել է Անկարայի «Էսենբողա» օդանավակայան: Ամերիկացի գեներալին դիմավորել են Թուրքիայում ամերիկյան դեսպանատան աշխատակիցները:
Թուրքական Heberturk-ի փոխանցմամբ` այսօր Մայքլ Մալենը հանդիպում կունենա իր թուրք գործընկեր, Ըշըք Քոշաների հետ: Նրա մամուլի ասուլիսը նախատեսված է վաղը` սեպտեմբերի 4-ին:
Ըստ Թուրքիայի ԱԳՆ խոսնակ Սելչուք Ունալի, ԱՄՆ զինված ուժերի գլխավոր շտաբի պետի Թուրքիա այցը կրում է զուտ ճանաչողական բնույթ։ «Ամերիկացի գեներալի այցը որեւէ հատուկ օրակարգ չի ներառում, նա պարզապես, Պակիստանից հետո նախընտրեց լինել նաեւ Թուրքիայում»-նշել է Ունալը:
Իսկ ահա թուրքական մամուլի տեղեկությունների համաձայն՝ ամերիկացի գեներալի օրակարգում է լինելու Իրաքից ամերիկյան զորքերի դուրսբերումը, Աֆղանստանի եւ ահաբեկչության դեմ պայքարի խնդիրները:
Անդրադառնալով Իրաքից ամերիկյան ուժերի՝ Թուրքիայի վրայով անցնելու խնդրին, Ունալն ասել է. «ԱՄՆ-ը Թուրքիային չի դիմել զինտեխնիկայի տարանցիկ փոխադրման համար, իսկ սովորական տեխնիկական միջոցների փոխադրման հարցում թուրքական կողմը հայտնել է իր դրական մոտեցումը»:
