ՏՏ ոլորտում նորելուկ ընկերությունների  համար գործող հարկային արտոնությունները շատ կարեւոր են: Այդ մասին նոյեմբերի 23-ին լրագրողներին ասել է Տեղեկատվական եւ հաղորդակցության տեխնոլոգիաների գործատուների միության նախագահ Արմեն Բալդրյանը:  «Մեր ոլորտում նոր սկսող ընկերություններին աջակցությունը շատ անհրաժեշտ է, որովհետեւ նրանցից որոշները կարող են կարճ ժամանակում վերածվել ինքնուրույն խոշոր ընկերությունների: Դրանից կշահի ամբողջ տնտեսությունը», - հավելել է Բալդրյանը:

Հիշեցնենք, որ «Տեղեկատվական տեխնոլոգիաների ոլորտին պետական աջակցության մասին» օրենքի եւ կից օրենքների շրջանակում, ՏՏ նոր հիմնադրված ընկերությունները    3 տարով ազատվում են եկամտահարկից, իսկ շրջանառության հարկ վճարում են  10%-ի չափով (առկա 24,4-ից 36%-ի պարագայում): Արտոնությունները գործում են առավելագույնը   30 աշխատակից ունեցող ընկերությունների համար եւ ոչ ավել, քան   3 տարի ժամկետով: Օրենքը գործելու է մինչեւ 2020 թիվը, հայտերն ընդունվում են մինչեւ   2017 թիվը: