նախընտրելի դարձնելԹուրքիայի գլխավոր շտաբը հայտարարել է, որ հարված է հասցվել երկրի օդային տարածքը խախտած օդանավի: Ինչպես գրված է տարածված հայտարարության մեջ, օդանավը 10 անգամ զգուշացվել է խախտման մասին, ինչից հետո գործին միացել է Թուրքիայի երկու F-16:
«Նոյեմբերի 24-ին, մոտ 9:20-ին անհայտ ինքնաթիռը Հաթայ շրջանի Յայլադաղի տարածքում հինգ րոպեի ընթացքում տասը զգուշացում է ստացել, բայց, չնայած դրան, խախտել է Թուրքիայի օդային տարածքը: Արձագանքման կանոնների շրջանակում, մեր երկու F-16, որոնք այդ տարածքում պարեկություն էին իրականացնում, դիմադրություն են ցույց տվել ինքնաթիռին», - ասված է հայտարարության մեջ, տեղեկացնում է ՏԱՍՍ-ը:
Ավելի վաղ ՌԴ Պաշտպանության նախարարությունը տեղեկացրել էր ռուսական ավիախմբի Սու-24 ինքնաթիռի հետ կապված միջադեպի մասին: Ռուսական ռազմական գերատեսչության հայտարարության համաձայն, ինքնաթիռը կործանվել է Սիրիայի տարածքում, ենթադրաբար դա տեղի է ունեցել երկրից արձակված հարվածի հետեւանքով: Ինքնաթիռը գտնվել է 6 հազար մետր բարձրության վրա: Օդաչուների ճակատագիրը պարզվում է: Նախնական տվյալների համաձայն, նրանց հաջողվել է դուրս թռչել օդանավից:
