Շանհայ. Լեւոն Արոնյանը պահպանեց առաջին տեղը

Շանհայում ավարտվեց  The Grand Slam Final Chess Masters սուպերմրցաշարի երկրորդ տուրը:  Լեւոն Արոնյանը սպիտակներով մրցեց Իսպանիան ներկայացնող Ալեքսեյ Շիրովի հետ: Չափազանց սուր պայքարն ավարտվեց 54-րդ քայլին: Թեեւ Շիրովը մեկ զինվորի առավելություն ուներ, սակայն համաձայնեց ոչ ոքիի: Արոնյանը 1,5 միավորով պահպանեց առաջին տեղը: Մյուս պարտիայում Վլադիմիր Կրամնիկը չկարողացավ հաղթել չինացի Վան Հաոյին: Գրանցվեց ոչ ոքի: Վաղը Արոնյանի մրցակիցը կլինի Վլադիմիր Կրամնիկը:

Շանհայի մրցաշարի առաջին երկու տեղերը զբաղեցրած գրոսմայստերները հոկտեմբերին Իսպանիայի Բիլբաո քաղաքում համաշխարհային դասակարգման առաջատար Մագնուս Կարլսենի եւ աշխարհի չեմպիոն Վիշվանաթհան Անանդի հետ կվիճարկեն Մեծ Սաղավարտը, որի տիրակալը գործնականում կարող է համարվել այս տարվա աշխարհի չեմպիոնը:

Մրցակարգ. 90 րոպե 40 քայլի համար, ապա 60 րոպե, 41-րդից յուրաքանչյուր քայլի համար ավելացվում է 10 վայրկյան. Հաղթանակ` 3 միավոր, ոչ ոքի` 1:

Պարտիաների ուղիղ հեռարձակմանը կարող եք հետեւել մեր կայքի միջոցով, սեղմելով՝

1-ին տուր – 3/9/2010

2-րդ տուր – 4/9/2010

3-րդ տուր – 5/10/2010

4-րդ – 6/9/2010

5-րդ – 7/9/2010

6-րդ – 8/10/2010