Նախընտրելի
68-ամյա բրիտանացի Դերեք Ուայթը դատարանի որոշմամբ Apple-ից 2 հազար ֆունտ ստեռլինգ է ստացել իր սմարթֆոնից տեղեկություններ, անձնական լուսանկարներ ու տեսանյութեր ջնջելու դիմաց, տեղեկացնում է Lenta-ն` վկայակոչելով Evening Standard-ին:
Տվյալներն առանց զգուշացման ջնջել էին ընկերության ֆիրմային խանութում, ուր Ուայթն այցելել էր 2014-ի դեկտեմբերին` խնդրելով ստուգել իր iPhone 5-ի սարքին լինելը:
Առիթը ստացված հաղորդագրությունն էր, որում ասվում էր, թե հեռախոսը սարքին չէ: Չի բացառվում, որ այն ուղարկվել էր խարդախների կողմից:
Իր հայցում թոշակառուն նշել է, որ աշխատակիցները միայն սարքը վերադարձնելուց հետո են իրեն հարցրել, թե արդյոք ունի սմարթֆոնում պահվող տեղեկությունների պատճենը: Ջնջված լուսանկարները, Ուայթի խոսքով, իր ընտանիքի համար հատուկ կարեւորություն ունեին, որովհետեւ հիշեցնում էին, որ տարվա ընթացքում ինքը բուժվել է քաղցկեղից եւ կարողացել է հաղթահարել հիվանդությունը, իսկ 2014-ի ամռանը ամուսնացել է եւ մեղրամիսն անցկացրել Սեյշելյան կղզիներում:
Դատարանի` նոյեմբերի 30-ի որոշմամբ Ուայթն ընկերությունից 1,2 հազար ֆունտ ստեռլինգ փոխհատուցում է ստացել եւ 800 ֆունտ` դատական ծախսերի հիմար:
Ուայթն ինքնուրույն էր ներկայացնում իր շահերը` հրաժարվելով փաստաբանների ծառայություններից: Նրա խոսքով, դատավարության 12 ամիսների ընթացքում Apple-ը փոխզիջման փորձ կամ ջնջված տվյալների դիմաց փոխհատուցում վճարելու առաջարկ չի արել:
