Իրանի մեջլիսի (խորհրդարանի) պատգամավոր Լալե Էֆթեհարին բաց նամակ է հղել Թուրքիայի նախագահ Ռեջեփ Թայյիփ Էրդողանի կնոջը, որում ափսոսանք է հայտնել, որ առաջին տիկինը ոչինչ չի ասում այն մասին, որ բացահայտվել է, որ  որդին սերտ կապեր ունի  Իսլամական պետություն» ահաբեկչական խմբավորման պարագլուխների հետ եւ նրանց հետ նավթի առեւտուր է անում: Այդ մասին հինգշաբթի տեղեկացրել է   Fars News Agency-ին:

«Ես ապշած եմ  ԻՊ-ի պարագլուխների հետ ձեր որդու լուսանկարից եւ այդ առթիվ  ձեր լռությունից» - ասվում է Էֆթեհարիի նամակում: Թուրքիայի նախագահի կնոջը հիշեցնելով ԻՊ-ի գրոհայինների կատարած հանցագործությունների մասին, իրանուհի օրենսդիրը գրում է.  «Մենք երկուսս էլ մայր ենք: Սակայն նման լռությունը եւ անկրթությունը հազիվ թե մոր պահվածք է», տեղեկացնում է ՏԱՍՍ-ը:

Թուրքիայի նախագահի որդին` Բիլալ Էրդողանը համաշխարհային լրատվամիջոցների ուշադրության կենտրոնում է հայտնվել, երբ ի հայտ են եկել ԻՊ-ի պարագլուխների հետ նրա լուսանկարները եւ ԻՊ-ի ահաբեկիչների հետ նավթային բիզնեսին նրա մասնակցության  վերաբերյալ փաստեր: