նախընտրելի դարձնելULA (United Launch Alliance) ընկերության օպերատորները երկրորդ անգամ հետաձգել են Atlas V ( 401 տարբերակը) հրթիռի արձակումը, որը նախատեսված էր տրանսպորտային Cygnus բեռնատիեզերանավը ՄՏԿ հասցնելուն: Հետաձգման պատճառը անհամապատասխան եղանակային պայմաններն են: Այդ մասին տեղեկացնում է ՆԱՍԱ-ի կայքը:
Հրթիռակրի արձակման երրորդ փորձը նախատեսված է 2015-ի դեկտեմբերի 6-ին, Մոսկվայի ժամանակով 01:10-ին: Երկրորդ փորձը նշանակված էր 2015-ի դեկտեմբերի 5-ին, Մոսկվայի ժամանակով 01:33-ին, իսկ առաջինը` 2015-ի դեկտեմբերի 4-ին, Մոսկվայի ժամանակով 02:03-ին: Cygnus տիեզերանավը պիտի ՄՏԿ հասցնի ավելի քան 3,2 տոննա օգտակար բեռ, որն իր մեջ ներառում է սարքավորումներ եւ նյութեր գիտական փորձարկումների համար, գրում է Lenta-ն:
Cygnus-ի նախորդ տարբերակի համեմատ, նոր տիեզերանավի բեռնաբարձությունը չորս անգամ մեծացվել է: Վերջին անգամ տիեզերանավն արձակվել էր 2014-ի հոկտեմբերի 28-ին` Վիրջինիայի Ուոլոպս տիեզերակայանից, Antares հրթիռի օգնությամբ եւ ձախողվել էր:
Antares հրթիռը պայթել էր մեկնարկից մի քանի վայրկյան անց:
