նախընտրելի դարձնել
Հյուսիսային Նիգերիայի բանտից սեպտենբերի 7-ին փախուստի են դիմել 800 իսլամական ծայրահեղականներ:
Փախուստը հաջողվել է իրականացնել դրսից եկած օգնության շնորհիվ, բանտի վրա հարձակվել են մի խումբ զինված մարդիկ: Փոխհրաձգության հետեւանքով զոհվել է անվտանգության 4 աշխատակից, եւս 6-ը ստացել են ծանր մարմնական վնասվածքներ, իսկ ութ հարյուր կալանավորներ դիմել են փախուստի, հաղորդում է Lenta.ru-ն՝ վկայակոչելով Associated Press-ին:
Զինված հարձակվողներն, ամենայն հավանականությամբ, պատկանում են «Բոկո Խաարամ» արմատական իսլամիստական աղանդին: Ըստ լրացուցիչ տեղեկությունների՝ փախուստի դիմած կալանավորները թաքնվում են սարերում:
Նշենք, որ «Բոկո Խաարամ»-ը արմատական աղանդ է, որն անցած տարի հունիսին մի շարք ահաբեկչություններ է իրականացրել Նիգերիայում:
