Ոստիակնության Մասիսի բաժին դիմած քաղաքացին դեկտեմբերի 13-ին հաղորդում է տվել այն մասին, որ Արարատի մարզի Արգավանդ գյուղում իրեն պատկանող արտադրամասի տարածքից 4.5 մլն ՀՀ դրամի չափով գույք են գողացել: 

Օպերատիվ տեղեկություն է ստացվել այն մասին, որ նշված գողությունը հնարավոր է կատարած լինի Արգավանդ գյուղի բնակիչ 19-ամյա Դավիթ Մինասյանը:

Ոստիկանության Մասիսի բաժին հրավիրված Դավիթ Մինասյանը խոստովանական ցուցմունք է տվել, որ գողությունն ինքն է կատարել: 

Փաստի առթիվ հարուցվել է քրեական գործ: Գողոնի մի մասն առգրավվել եւ վերադարձվել է սեփականատերերին:

Ոստիկանության Մասիսի բաժնի ծառայողները կասկածներ ունեն, որ Մինասյանը գողությունը կատարելիս միայնակ չի եղել, օպերատիվ գործողությունները շարունակվում են նրա հնարավոր հանցակիցներին հայտնաբերելու ուղղությամբ: Քննությունը շարունակվում է:

Մանրամասները` ոստիկանության տեսանյութում.